| شمعِ خاوری پیکر پیرِ کاملاں آئے |
| تیرگی مٹانے کو شاہِ کل زماں آئے |
| ذکرِ مصطفٰی ﷺ سے ہی بزمِ دل فروزاں ہے |
| عاشقوں کی محفل میں فخرِ عاشقاں آئے |
| یہ سفر محمد ﷺ کا مومنو مبارک ہو |
| ذوالجلال سے ملنے جب وہ لامکاں آئے |
| السلام یا احمد ﷺ حشر میں ہیں تشنہ لب |
| سیر ساقیءِ کوثر کیجے نیم جاں آئے |
| منتظر مدینے کے خوش نصیب کتنے تھے |
| جس گھڑی مدینے میں ہادیءِ جہاں ﷺ آئے |
| شرک مٹ گیا لیکن تھی منافقت باقی |
| دین پھر بچانے کو حق کے پاسباں آئے |
| کائنات کے سِدْویؔ تاج سرورِ عالم ﷺ |
| خوشبوئے عدن لے کر مہرِ گلستاں آئے |
معلومات