| وہ اندھیروں میں اک روشنی بن کے آئے |
| مفلسوں کے لیے جو غنی بن کے آئے |
| گمرہی پر کوئی بھی نہ انسان ہو |
| عالمِ کل کے وہ تب نبی بن کے آئے |
| دکھ کا سایہ جو مجھ پر کہیں پڑ گیا |
| حزن و غم میں ہمیشہ خوشی بن کے آئے |
| عاطفت کا ہے سایہ سبھی کے لیے |
| چھاؤں رحمت کی سب پر گھنی بن کے آئے |
| بن گئے وہ سبھی کے لیے رہ نما |
| اک مکمل بشر عالمی بن کے آئے |
| بعد ان کے کوئی بھی نہ آئے گا اب |
| خاتم الانبیا آخری بن کے آئے |
| ان کے ہاتھوں سے عباسؔ کوثر پیو |
| عہدِ آخر میں تم امتی بن کے آئے |
| #احساسات |
معلومات