| خدا کی امانت ہیں بچے ہمارے |
| سلامت رہیں اس چمن کے ستارے |
| ادائیں نرالی وہ شیریں مقالی |
| سدا ہوں میسر یہ دلکش نظارے |
| شرارت سے انکی ملے دل کو راحت |
| اُداسی ہو جیسی خوشی میں سِدھارے |
| سوالات ان کے انوکھے نرالے |
| جوابات اَحسن ملیں ان کو سارے |
| کہانی سنا ئیں محبت بڑھائیں |
| دلوں میں اتر کر لگا ئیں کنارے |
| چھُپائیں نہ دل کی کوئی بات اپنی |
| سمجھ لیں نگاہوں کے ہم گر اشارے |
| نظر گہری ان پر سدا تم ہی رکھنا |
| شریعت کے احکام مانیں یہ سارے |
| عقائد ہوں پختہ عمل ہو شَگُفتہ |
| ہوں اخلاق اعلی تمہارے ہمارے |
| ہمیشہ رہے لطف زیرک اٹھاتا |
| خدا دن ہمارے سدا یوں گزارے |
معلومات