| محبتوں کا رواج ڈالو، پلٹ دو رسمِ منافرت کو |
| عداوتیں دل سے نوچ ڈالو فروغ دو تم مصاحبت کو |
| تمھیں مناسب نہیں عزیزو ادھر کی باتیں ادھر جا کرنا |
| خدا کو مانو تو ترک کر دو کسی کی غیبت مخالفت کو |
| کسی کی جب تم مدد کرو گے خدا تمھاری مدد کرے گا |
| معاونت سے چمن سجاؤ زمیں میں گاڑو مخاصمت کو |
| امین و صادق لقب نبی کا انہی کے نقشِ قدم پہ چلنا |
| عزیز بچو عزیز رکھنا ، نبی کی نسبت مصادقت کو |
| پیام سِدْویؔ کا یہ ہے بچو کرو حفاظت چمن کی اپنے |
| کسی کے بارے نہ بغض رکھو ابھارو اپنی صلاحیت کو |
معلومات