| اللہ کے فرمان کی تفسیر محمد |
| اسلام کے آئین کی تشہیر محمد |
| بن دیکھے میرے دل میں ہے کچھ ایسی عقیدت |
| رہتی ہے سدا سامنے تصویر محمد |
| دنیا کو دیا آپ نے الفت کا جو پیغام |
| ہر دل کو کیا آپ نے تسخیر محمد |
| خوابوں میں خیالوں میں فقط تو ہی بسا ہے |
| تا عمر میرے خوابوں کی تعبیر محمد |
| عربی بھی ہیں عجمی بھی ہیں سب آپ کے شیداء |
| دنیا میں کسی کی نہیں جاگیر محمد |
| قران و حدیثوں پہ میں چلتا ہی رہا ہوں |
| دل پر ہے میرے آپ کی تحریر محمد |
| مکہ بھی گیا ہوں میں مدینہ بھی گیا ہوں |
| یہ میرے دعاوں کی ہے تاثیر محمد |
| تا عمر مدینے میں رہوں یہ ہے تمنا |
| پہنا دو میرے پاوں میں زنجیر محمد |
| سید ابوبکر مالکی |
معلومات