| اجڑ گیا محل سرا تو کیا ہوا |
| مکینِ دل چلا گیا تو کیا ہوا |
| میں حیلہ گر فریب ساز شہر میں |
| برے کے ساتھ ہوں برا تو کیا ہوا |
| گل اس کی زلف میں سجا ہوا تو ہے |
| وہ شاخ سے بچھڑ گیا تو کیا ہوا |
| بنایا راہ زن کو میرِ کارواں |
| تو پھر یہ قافلہ لٹا تو کیا ہوا |
| شعورِ آگہی سے جل رہا ہے جو |
| چراغ آخری بچا تو کیا ہوا |
| شریکِ غم نہیں بنا تو عیب کیا |
| ہیں راستے جدا جدا تو کیا ہوا |
| جہاں فریب کا چلن ہو سِدْویؔ عام |
| وہاں تو بے وفا ہوا تو کیا ہوا |
معلومات