کیسے بتائیں اپنوں سے کیسا صلا ملا |
منزل ملی نہ ہم کو کوئی رہنما ملا |
سب کچھ ہے آئینے کی طرح سامنے ترے |
میں کیا بتاؤں مجھ کو زمانے سے کیا ملا |
چاہت کے پھول جب سے کھلائے نصیب نے |
ہر اک قدم پہ مجھ کو نیا حادثہ ملا |
ہم تو ہنسی ہنسی میں ہی کھو دیتے زندگی |
یاروں کے آزمانے سے کچھ حوصلہ ملا |
مر جایں ترے عشق میں پوچھا ہے جب کبھی |
اُن کا جواب ہاں میں ہی بے ساختہ ملا |
نا پوچھئے ندیم بڑی مشکل ہے راہِ عشق |
بس میں چلا اُدھر کو جدھر راستہ ملا |
معلومات