.jpeg)
| جس دیئے میں تیل کم ہو وہ بھلا کب تک جلے |
| خود بخود بجھ جائے گا وہ جل سکے جب تک جلے |
| چند لمحوں کے لئے جلنا کوئی جلنا نہیں |
| تیرگی جب تک رہے باقی دِیا تب تک جلے |
| شمعِ علم ایسی ہو جس سے ہر جگہ پھیلے ضیا |
| وہ چراغِ علم کیا جو طاقِ مکتب تک جلے |
| آگ تو بستی جلا کر ایک شب میں بجھ گئی |
| خوف کے شعلے جو بھڑکے تو کئی شب تک جلے |
| کچھ دیئے مخصوص تھے دیر و حرم کے واسطے |
| وہ جلے جب بھی حصارِ صحن ِمذہب تک جلے |
| اُس کے شعلے ساری دنیا کو جلادیتے ، مگر |
| طور کو یہ حکم تھا وہ مرضی رب تک جلے |
| شاعرؔ اِس کا بھی تعین کچھ تو ہونا چاہئے |
| آتشِ ظلم وستم میں زندگی کب تک جلے |
معلومات