| پنج تن کے شہر کی یہ مشک بو ہے محترم |
| مومنو ! آلِ نبی ﷺ کی گفتگو ہے محترم |
| فاسق و فاجر منافق کیلئے پھٹکار ہے |
| ہر مودت رکھنے والا سرخرو ہے محترم |
| آخری دم تک خدا کے رحم پر ایمان ہے |
| لا تَخَف حسنِ تخیل تا گُلُو ہے محترم |
| عالمِ اسرار کے معلوم جس کو بھید ہیں |
| اے شہِ کون و مکاں ﷺ بس تُو ہی تُو ہے محترم |
| عون، حر، عباس، قاسم، طفلِ مسلم اور عقیل |
| ابنِ حیدر تیرا ہر اک سرفرو ہے محترم |
| جس سفر کے واسطے بیتاب ہیں اپنے قدم |
| کربل و ارضِ نجف کی جستجو ہے محترم |
| ہو شہیدِ کربلا کی پیروی میں جاں نثار |
| سِدْویؔ راہِ حق میں ٹپکے تو لہو ہے محترم |
معلومات