| مِرے حال پر کرم ہو شب و روز یا حبیبی |
| کرو دور میرے آقا غم و خوف و بد نصیبی |
| سنے کون بن تمہارے جسے حالِ غم سناؤں |
| نہ کوئی مِرا ہے اپنا نہ کوئی مِرا قریبی |
| کھِلے کتنوں کے مقدر جو ہوا کرم تمہارا |
| مگر اک مِرا مقدر لئے زخم ہے صلیبی |
| چلے ماہِ حج میں حاجی لے کے عزم سوئے کعبہ |
| جنہیں دیکھ دیکھ ٹوکے مجھے یہ مِری غریبی |
| حسد و ریا سے پُر ہے دلِ سنگ قوم مسلم |
| حسن و حسین کی پھر اسے چاہئے طبیبی |
| سرِ بزم کیسے کوئی اے ضیا تجھے سنے گا |
| نہ سخن میں ہے تاثر نہ صدا ہے عندلیبی |
معلومات