| ولیوں کے ولی دین کی تنویر علی ہیں |
| ایمان اور اخلاص کی تصویر علی ہیں |
| دل کفر کا دہلا دے وہ تکبیر علی ہیں |
| باطل کا گلہ کاٹے وہ شمشیر علی ہیں |
| ساےٴ میں محمد کے جو پروان چڑھے ہیں |
| آقا کے گھرانے کی وہ جاگیر علی ہیں |
| ہو قلعہ خیبر یا ہو میدان بدر کا |
| دشمن کو ہرا دینے کی تدبیر علی ہیں |
| تسخیر کیا قلعہ ءِ خیبر کو علی نے |
| ناقابلِ تسخیر کی تسخیر علی ہیں |
| دروازہ محمد نے کہا شہر علم کا |
| سارے جہاں کے علم کی تفسیر علی ہیں |
معلومات