.jpeg)
| خفا یہ وقت نہ مجھ سے کبھی ہوا ہوتا |
| یقیں ہے کوئی مجھ سا کہاں ہوا ہوتا |
| نمک چھڑکتا رہا زخم پر مر ا ناصح |
| وہ کاش مجھ پہ کبھی مائلِ عطا ہوتا |
| نہ ہوتیں سازشیں تیری اے منصفِ دوراں |
| قدم قدم پہ نہ مسکن کوئی جلا ہوتا |
| بڑا ہی تلخ ہوا تجربہ سفر میں مجھے |
| نہ کھلتی آنکھ تو رستے میں لٹ گیا ہوتا |
| یہ سبزہ زار یہ دریا نجوم و ماہ و فلک |
| اگر یہ خلق نہ ہوتی تو بس خدا ہوتا |
| اندھیرے سر نہ اٹھاتے کبھی مری زمیں پر |
| جو اس دیار میں روشن کوئی دیا ہوتا |
معلومات