| تضمین: اے شمعِ جمالِ مصطفائی |
| معدوم ہے ، مثلِ مصطفائی |
| تنویر ہے ، وصلِ مصطفائی |
| لاریب ہے ، قولِ مصطفائی |
| ایمان ہے ، قالِ مصطفائی |
| قرآن ہے ، حالِ مصطفائی |
| پر نور ہے ، اصلِ مصطفائی |
| بے مثل ہے ، نسلِ مصطفائی |
| بے عیب ہے ، آلِ مصطفائی |
| ایمان ہے ، قالِ مصطفائی |
| قرآن ہے ، حالِ مصطفائی |
| دل میں شمعِِ ہدیٰ جلائی |
| راہِ عرفاں عیاں دکھائی |
| آوازِ حق ہمیں سنائی |
| ایمان ہے ، قالِ مصطفائی |
| قرآن ہے ، حالِ مصطفائی |
| اِحْسَان ہے ، قَالِ مُصْطَفَائی |
| عِرْفَان ہے ، قَالِ مُصْطَفَائی |
| اِیْقَان ہے ، قَالِ مُصْطَفَائی |
| اِیمَان ہے ، قَالِ مُصْطَفَائی |
| قُرآن ہے ، حَالِ مُصْطَفَائی |
| ہے کَیسی تَمْکَنَتْ کا دُولہا |
| ہے کِتنی مَفْخَرَتْ کا دُولہا |
| ہے وہ کِس مَنْزِلَتْ کا دُولہا |
| اَللہ کی سَلْطَنَتْ کا دُولہا |
| نَقْشِ تِمْثَالِ مُصْطَفَائی |
| ہے نور سے رَب نے اُس کو ڈَھالا |
| اس نے جہاں میں کِیا اجالا |
| سب سے اَولیٰ وہ شَانوں وَالا |
| کُل سے بالا رُسُل سے اَعْلیٰ |
| اِجلال و جَلالِ مُصْطَفَائی |
| اَصْحَا ب ، سُطُورِ اِبتدا ہیں |
| اَصْحَا ب ، ظُہُورِ اِنتہا ہیں |
| اَصْحَا ب ، شُمُوسِ اِقتدا ہیں |
| اَصْحَا ب ، نُجُومِ رَہنما ہیں |
| کَشتی ہے ، آلِ مُصْطَفَائی |
| اَصْحَا ب کَمالِ مُصْطَفیٰ ہیں |
| اَصْحَا ب جَمالِ مُصْطَفیٰ ہیں |
| اَصْحَا ب نَوَالِ مُصْطَفیٰ ہیں |
| اَصْحَا ب نُجُوْمِ رہنما ہیں |
| کشتی ہے آلِ مُصْطَفَائی |
| اَصْحَا ب خِصالِ مُصْطَفیٰ ہیں |
| اَصْحَا ب وِصالِ مُصْطَفیٰ ہیں |
| اَصْحَا ب عَیالِ مُصْطَفیٰ ہیں |
| اَصْحَا ب نجومِ رہنما ہیں |
| کشتی ہے آلِ مُصْطَفَائی |
| اَصْحَا ب شُمَالِ مُصْطَفیٰ ہیں |
| اَصْحَا ب جُنوبِ مُصْطَفیٰ ہیں |
| اَصْحَا ب قَریبِ مُصْطَفیٰ ہیں |
| اَصْحَا ب نُجُومِ رہنما ہیں |
| کشتی ہے آلِ مُصْطَفَائی |
| سرکار ہمارے مُصْطَفیٰ ہیں |
| سردار ہمارے مُرْتَضیٰ ہیں |
| اَنْصَار ہمارے اَولِیَا ہیں |
| اَصْحَا ب نُجُوْمِ رَہْنُما ہیں |
| کشتی ہے آلِ مُصْطَفَائی |
| اِنْکَار سے تُو مُجھِے بَچالے |
| آزار سے تُو مُجھِے بَچالے |
| اَغْیار سے تُو مُجھِے بَچالے |
| اِدْ بَار سے تُو مُجھِے بَچَالے |
| پیارے اِقْبالِ مُصْطَفَائی |
| وَسْوَاس سے تُو مُجھِے بَچَالے |
| خَنَّاس سے تُو مُجھِے بَچَالے |
| اِفْلَاس سے تُو مُجھِے بَچَالے |
| اِدْ بَار سے تُو مُجھِے بَچَالے |
| پیارے اّقْبَالِ مُصْطَفَائی |
| مَکَّار سے تُو مُجھِے بَچَالے |
| غَدَّار سے تُو مُجھِے بَچَالے |
| عَیَّار سے تُو مُجھِے بَچَالے |
| اِدْ بَار سے تُو مُجھِے بَچَالے |
| پیارے اِقْبَالِ مُصْطَفَائی |
| اپنا ہی گدا مُجھِے بنا لے |
| اپنے در پر مُجھِے بلا لے |
| ہر غیر کے رستے سے ہٹا لے |
| اِدْ بَار سے تُو مُجھِے بَچَالے |
| پیارے اقبالِ مُصْطَفَائی |
| مَردود عَدو ہیں کرتے بَق بَق |
| دُشمن کے سینے اَب بھی ہیں شق |
| سُن کر ہو گئے سَبھی عَدو فَق |
| مُرْسَلْ مُشْتَاقِ حَق ہیں اور حَق |
| مُشْتَاقِ وِصَالِ مُصْطَفَائی |
| عشقِ خدا میں وہ تو فنا ہیں |
| دردِ دَرُوں میں وہ مبتلا ہیں |
| مُشْتَاقِ جَمَالِ دلربا ہیں |
| خَواہانِ وِصَالِ کِبْرِیَا ہیں |
| جُویانِ جَمالِ مُصْطَفَائی |
| مَسْرورِ مَقالِ کِبْرِیَا ہیں |
| مُحتاجِ نَوَالِ کِبْرِیَا ہیں |
| مُشْتَاقِ جَمَالِ کِبْرِیَا ہیں |
| خَواہانِ وِصَالِ کِبْرِیَا ہیں |
| جُویانِ جَمالِ مُصْطَفَائی |
| رکھتے نہیں ہم کسی پہ بھی ٹیک |
| ہم کو تو ہے سہارا بس ایک |
| ہے یاد ہمیں عقیدہ یہ نیک |
| مَحبوب و مُحب کی مِلک ہے ایک |
| کَوْنَین ہیں مالِ مُصْطَفَائی |
| کیا کام کسی حسیں کے تِل سے |
| رِشتہ رہے میرا ایسی گِل سے |
| ہے جس کو بھی فیض اُن کے ظِل سے |
| اللہ نہ چھوٹے دَسْتِ دل سے |
| دَامانِ خیالِ مُصْطَفَائی |
| میری ہیں کسی سے کب اُمِیْدِیْں |
| بس دل نے لگائیں جب اُمِیْدِیْں |
| تجھ سے ہی رہی ہیں تب اُمِیْدِیْں |
| ہیں تیرے سُپُرْد سب اُمِیْدِیْں |
| اے جُود و نوالِ مُصْطَفَائی |
| دیدار شَہا مُجھے عَطا کر |
| میں زِندہ رَہوں ترے ہی دَر پر |
| ہو وَقتِ اَجَل بھی دَر پہ یہ سَر |
| اَندھیر ہے بےترے مِرا گھر |
| اے شمعِ جمالِ مُصْطَفَائی |
| یہ فکر مجھے ستا رہی ہے |
| شَبْ قَبْر کی بھی تو آ رہی ہے |
| تنہائی بھی دِل جَلا رہی ہے |
| مجھ کو شَبِ غم ڈرا رہی ہے |
| اے شمعِ جمالِ مُصْطَفَائی |
| میرا ہر غم تو اب مٹا جا |
| پردے ظُلْمَتْ کے تو ہَٹا جا |
| آ کر اب ہر سُو تو سَما جا |
| آنکھوں میں چَمَک کے دل میں آجا |
| اے شمعِ جمالِ مُصْطَفَائی |
| میری قِسْمَت بھَلی بنادے |
| دل میں اپنی لَگَن لگادے |
| جَلوے کی اک جھَلَک دکھادے |
| میری شَبِ تار دِن بنا دے |
| اے شمعِ جمالِ مُصْطَفَائی |
| تُو تَو ہے قَریبِ بد نصیباں |
| اور تُو ہے حَبیبِ بد نصیباں |
| ہاں تُو ہے طَبیبِ بد نصیباں |
| چمکا دے نَصیبِ بد نصیباں |
| اے شمعِ جمالِ مُصْطَفَائی |
| کیسا ہم کو ملا یہ خُم ہے |
| ہو مَسْتی جب کہے تو قُم ہے |
| آقا کہتا نَفَسْ تو نُم ہے |
| قَزَّاق ہیں سَر پہ راہ گُم ہے |
| اے شمعِ جَمالِ مُصْطَفَائی |
| اس دل میں ہو ترا بَسیرا |
| لہرائے بس ترا پھَریرا |
| نوری کِرنوں سے ہو سَویرا |
| چھایا آنکھوں تلے اندھیرا |
| اے شمعِ جمالِ مُصْطَفَائی |
| ہم کو تُو مَے ، شہا پِلادے |
| جو دِل کو بس مَگَن بَنَادے |
| دل میں تو اب لَگَن جَگَادے |
| دل سَرْد ہے اپنی لَو لَگَادے |
| اے شمعِ جمالِ مُصْطَفَائی |
| شیطان سبھی کو وَر غلائیں |
| رحمان کے رستے سے ہَٹائیں |
| دکھ درد یوں تم کو ہی سُنائیں |
| گھنگھور گھٹائیں، غَم کی چھائیں |
| اے شمعِ جمالِ مُصْطَفَائی |
| ٹُوٹا ہوں تو حَوصَلہ دِلا جا |
| تَنْہا ہوں تو قافِلہ مِلا جا |
| پیاسا ہوں سَاقِیَا پِلا جا |
| بھَٹکا ہوں تو راسْتَہ بَتَا جا |
| اے شمعِ جمالِ مُصْطَفَائی |
| بَدْکار بتاتی ہے سیاہی |
| اِقبال مٹاتی ہے سیاہی |
| اِدبار دِکھاتی ہے سیاہی |
| فَرْیاد دَباتی ہے سیاہی |
| اے شمعِ جمالِ مُصْطَفَائی |
| آقا شَبِ جَلوہ تَو دکھا دے |
| میرے غمِ صَدْمہ کو مِٹا دے |
| میرے دلِ خُفْتہ کو جَگا دے |
| میرے دلِ مُردہ کو جِلا دے |
| اے شمعِ جَمالِ مُصْطَفَائی |
| آسیں سب کی ہَرِی بھَرِی ہیں |
| نظریں تیری طرف لَگی ہیں |
| مَحْشَرْ میں کہہ دیں یہ بَرِی ہیں |
| آنکھیں تری راہ تَک رَہی ہیں |
| اے شمعِ جَمالِ مُصْطَفَائی |
| صَدقے ہیں کائنات والے |
| بیٹھے ہیں گُزَارِشَات والے |
| تَکْتے ہیں معامَلَات والے |
| دُکھ میں ہیں اندھیری رات والے |
| اے شمعِ جمالِ مُصْطَفَائی |
| تاریک ہے رات بے بَسَوں کی |
| تاریک ہے رات دل جَلَوں کی |
| تاریک ہے رات بے کَسَوں کی |
| تاریک ہے رات غَمْزَدُوں کی |
| اے شمعِ جمالِ مُصْطَفَائی |
| مجَبور ہے ذات بے بَسوں کی |
| مَہجور ہے ذات دل جَلوں کی |
| مَغلوب ہے ذات بے کَسوں کی |
| تاریک ہے رات غَمْزَدوں کی |
| اے شمعِ جمالِ مُصْطَفَائی |
| دَیْجُور ہے شام دل جَلوں کی |
| تسکین ہیں آپ بے کَسوں کی |
| تَنْوِیر ہیں آپ بے بَسوں کی |
| تاریک ہے رات غمْزَدُوں کی |
| اے شمعِ جمالِ مُصْطَفَائی |
| تَقدیر ہیں آپ اَبتروں کی |
| تَدبیر ہیں آپ بَدتروں کی |
| تَوقیر ہیں آپ نَوکروں کی |
| تاریک ہے رات غَمْزَدُوں کی |
| اے شمعِ جمالِ مُصْطَفَائی |
| کھاتے ہیں سبھی ترا نِوَالا |
| یتو نے ہم کو یہاں سَنبھالا |
| ہر طَرْف چَلے ترا حَوالا |
| ہو دونوں جَہاں میں منہ اُجَالا |
| اے شمعِ جَمالِ مُصْطَفَائی |
| نیکی کی رہ مجھے چَلانا |
| بد کام سے مجھ کو تم ہَٹانا |
| اپنا بس جلوہ اب دِکھانا |
| تاریکیِ گور سے بچانا |
| اے شمعِ جمالِ مُصْطَفَائی |
| مَرْبوط نَبی ہیں سب یوں باہَم |
| تیری خبریں ہیں عیسیٰ آدم |
| تم ہی ہو مُبْتَدا وَ خَاتَمُ |
| پر نور ہے تجھ سے بَزْمِ عالَم |
| اے شمعِ جمالِ مُصْطَفَائی |
| تُم تَو ہو رَسُولوں کے بھی خاتَم |
| خَاتِم تُم ، اَنْبِیَا ہیں پَیْہَم |
| سب پیچھے ہیں کھَڑے زِ آدَم |
| پُرْ نُور ہے تُجھْ سے بَزمِ عالَم |
| اے شمعِ جمالِ مُصْطَفَائی |
| ٹُوٹا ہے دِل ، اسے بَہَمْ کر |
| ادنیٰ سے غُلَامُوں میں رَقَمْ کر |
| جو بھی ہے خَطَا وہاں قَلَمْ کر |
| ہم تِیْرَہ دلوں پہ بھی کَرَم کر |
| اے شمعِ جمالِ مُصْطَفَائی |
| آتا ہے یاد تو گھَنیرا |
| میرے دِل میں لگا لے ڈیرا |
| دل کی شب میں بھی ہو سویرا |
| للہ ادھر بھی کوئی پھیرا |
| اے شمعِ جمالِ مُصْطَفَائی |
| رضْوِی تعریف ہے خُدا کی |
| توفیق ملی تجھے ثَنا کی |
| تَعلیم رضا سے لِی ادا کی |
| تقدیر چَمَک اٹھے رضا کی |
| اے شمعِ جمالِ مُصْطَفَائی |
| از ابو الحسنین محمد فضلِ رسول چشتی رضوی، کراچی |
معلومات