.jpg)
| ہم ہی رہے گُریزاں، تیرے حُسنِ جاوِداں سے |
| جلوے تِرے پُکاریں، ہر سمت ہر مَکاں سے |
| غفلت کی نیند سوئے، پردے خودی پہ ڈالے |
| اِلزام اُس پہ ڈالا ،جو پاک ہر گُماں سے |
| نَے حُسن کے پُجاری، نَے شوقِ بادہ خواری |
| پھر بھی ہے عشق ہم کو، ساقی تِری دُکاں سے |
| خود کو نہ ڈھونڈ پایا، کیسے میں ڈھونڈو اُس کو |
| مجھ میں چھپا ہے لیکن، پوچھوں پتا جَہاں سے |
| پھیلے نشاں ہیں سارے، اِک بے نشاں کے ہمدم |
| جو ذات کا پتا دے، عرفاں اُسی نِشاں سے |
معلومات