.jpg)
| اے دِل تُو اِتنا اُداس کیوں ہے |
| خِزَاں ہے چَھائی، نِراس کیوں ہے |
| کَرِیم ہے وہ کَرم کرے گا |
| حِساب پھر دِل خَراش کیوں ہے |
| کَلام اُس کا ہے رُوح پَرور |
| تِری زُباں میں کَھٹاس کیوں ہے |
| وَفا شِعاروں میں نام اُس کا |
| مَگر رَقیبوں کے پاس کیوں ہے |
| کبھی نہ آیا تُو میر ے دل میں |
| تِری طَلب کی پِیاس کیوں ہے |
| مِلا نہیں ہے، مِلے گا اِک دِن |
| مِلن کی سچی یہ آس کیوں ہے |
| کَہاں ملے گا، میں مُنتظر ہوں |
| یہ جُستجو پُر سِپاس کیوں ہے |
| سِی پَارہ دِل ہے مَکان اُس کا |
| یہ دِل جو ٹوٹا تو یَاس کیوں ہے |
| ہے خُود شَناسی خُدا شَناسی |
| نَظر تِری بُت شَناس کیوں ہے |
| وہ سَب کا ہو کے بھی ہے اَکیلا |
| یہ دُوئی تُجھ کو ہی رَاس کیوں ہے |
| غُلام تُجھ میں بسے ہے دِلبَر |
| اُسی کی باہر تَلاش کیوں ہے |
معلومات