| نعتِ رسولِ مقبول |
| صلی اللہ علیہ وآلہ واصحابہ وبارک وسلم |
| """""""""""""""""""""""""""""""""""""""""""""""""""""" |
| لطف ہے تب جہاں میں جینے میں |
| جب عُمَر ہو بَسَر مدینے میں |
| دُکھ سناؤں یہاں ، کسے اپنے |
| دَرْد ہے اک یہی تو سینے میں |
| سُن کے جاؤُوْک در پہ سب مشغول |
| دامنِ تار تار سینے میں |
| خُلْد کے طالِبو کہاں ہو تم |
| وہ ملے گی انہی کے زینے میں |
| مانگ لو چاہتے ہو جو بھی تم |
| دو جہاں ہیں اسی خزینے میں |
| عَنْبَر و مُشْک میں نہ وہ خوشبو |
| جو ہے سرکار کے پسینے میں |
| آمدِ نور سے جہاں میں سب |
| خوش ہیں میلاد کے مہینے میں |
| اہلِ ایماں ہیں جانتے یہ بات |
| ہے اَدَب عِشْق کے قرینے میں |
| ڈھونڈتے کیا ہو دل کے گوشوں میں تم |
| یادیں ہیں قید آبگینے میں |
| مانگتا ہوں انہیں سے ہر اک چیز |
| کچھ نہیں اور اس کمینے میں |
| عشقِ اَحمد گُزِیں ہو دل میں یوں |
| دِل کَشی جس طَرَح نگینے میں |
| جامِ دیدار دیں وہ پینے کو |
| ہے مزہ بار بار پینے میں |
| تم کرو مَدْحِ مُصْطَفیٰ رضوی |
| حاسِدِیں تو جلیں گے کینے میں |
| ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
| عرض نمودہ ؛ |
| ابو الحسنین محمد فضلِ رسول رضوی |
| گلشن معمار کراچی ، |
| شب 16 ربیع الاول 1447ھ |
| بمطابق 9 ستمبر 2025 عیسوی |
| 25 بھادوں 2082 بکرمی |
| شبِ پنج شنبہ 8 بجے کر بتیس منٹ |
| :::::::::::::::::::::::::::::::::::::::::::::::: |
معلومات