| وہ علی جن کو نبی نے ہے کہا شیرِ خدا |
| زور جن کی ذات میں زورِ خدا شیرِ خدا |
| عمر بھر مولیٰ علی دکھلائے ہیں زورِ خدا |
| نام جب سے مصطفیٰ نے رکھ دیا شیرِ خدا |
| غزوہ پہلا بدْر تھا جس کے دلاور تھے علی |
| دین میں فتحِ مبیں کی ابتدا شیرِ خدا |
| قتل ہونے والے ستّر کافروں میں نصف کو |
| مارے تنہا بدْر میں شیرِ خدا شیرِ خدا |
| بدْر کے میداں میں آکر جانے شیبہ اور ولید |
| تیغِ احمد مجتبیٰ کا معجزہ شیرِ خدا |
| جنگِ خندق، جنگِ خیبر ہو یا کوئی جنگ ہو |
| قہرِ حق کے ہیں جلالی رو نما شیرِ خدا |
| ذوالفقارِ حیدرِ کرار کے عاصم نبی |
| اور جو ہیں اس کے صاحب مقبضہ شیرِ خدا |
| جنگ کوئی وہ نہیں ہارے بڑی تاریخ ہے |
| جیت کے مہرِ نبی سے پیشوا شیرِ خدا |
| کیسے پیارے ہیں ذکیؔ ، اسم و لقب نعرے لگا |
| یاعلی شیرِ خدا شیرِ خدا شیرِ خدا |
معلومات