| وہ سنگ تھا تو جوش بھی سیلِ رواں میں تھا |
| کیا جانے ولولہ سا مرے ہم عِناں میں تھا |
| ترکِ تعلقات ہو یا اس سے دوری ہو |
| منصف ترا تو فیصلہ میرے زیاں میں تھا |
| کچھ کچھ عیاں تھا جذبہِ جوش و جنون اور |
| کچھ کچھ نہاں بھی خانۂِ ذات و گماں میں تھا |
| ہم کو کمک بھی پہنچی تو اس کے خلاف کیا |
| ہر شخص اس کے حلقۂ وارفتگاں میں تھا |
| سلطاں مثالی عہد کا دعویٰ گو خوب ہے |
| مفلس پہ ظلم و جور بھی تیرے زماں میں تھا |
| ہر بات بے دریغ وہ کہہ دیتا تھا مجھے |
| اس بار اک مدارِ تکلف بیاں میں تھا |
| اس کو دلاسہ دیتے تھے میت کو بھول کر |
| ہر آنکھ نم تھی سوز وہ ماتم کناں میں تھا |
| سوز و گداز لایا ہے واعظ خطاب میں |
| عنصر نہ درد کا دلِ نامہرباں میں تھا |
| سِدْویؔ کسان کو تھا ملال اجڑی فصل کا |
| کچھ رنج بھی لگان کا آہ و فغاں میں تھا |
معلومات