| گود میں ہیں پَلے جن کی مُرشِد پِیا، اُمِّ عَطّار ہیں اُمِّ عَطّار ہیں |
| ہاں ولی وقت کا جن کا بیٹا بنا، اُمِّ عَطّار ہیں اُمِّ عَطّار ہیں |
| با حیا با صفا نیک خاتون تھیں، مُفلِسی میں بھی رب کی وہ ممنون تھیں |
| درس ہر آن اس کا جنھوں نے دیا، اُمِّ عَطّار ہیں اُمِّ عَطّار ہیں |
| رنج و غم کے بھی ان پر تھے ٹوٹے پہاڑ، صبر و ہمت میں ان کے نہ آئی دراڑ |
| جن کے پیشِ نظر رب کی ہر دم رِضا، اُمِّ عَطّار ہیں اُمِّ عَطّار ہیں |
| وہ نمازی بھی تھیں اور نیازی بھی تھیں، فجر میں وہ سبھی کو جگاتی بھی تھیں |
| جن کی برکت سے گھر سب نمازی بنا، اُمِّ عَطّار ہیں اُمِّ عَطّار ہیں |
| تربیت کا اثر دیکھو کردار میں، ہے جَھلک اُن کے تقوے کی عطار میں |
| قلب میں جن کے تھا خوف رب کا بسا، اُمِّ عَطّار ہیں اُمِّ عَطّار ہیں |
| کلمہ لب سے دَمِ نَزع جاری ہُوا، گھر بھی کتنے دنوں تک مَہَکتا رہا |
| دَفن ہونے کو دن جن کو جُمعَہ مِلا، اُمِّ عَطّار ہیں اُمِّ عَطّار ہیں |
| قبر پر نور کی خوب برسات ہو، اُمِّ حسنین کا خلد میں ساتھ ہو |
| کرتا زیرکؔ ہے جن کے لئے یہ دُعا، اُمِّ عَطّار ہیں اُمِّ عَطّار ہیں |
معلومات