| اک درد میں ڈوبی نظم لکھوں |
| اور تیری جفا تحریر کروں |
| جو کرب ہے میرے سینے میں |
| لفظوں میں پرو کر پیش کروں |
| تو اس کو پڑھے تو چیخ اٹھے |
| یہ درد و غم محسوس کرے |
| صفحات پہ تیرے اشک گریں |
| اور روح تری بھی کانپ اٹھے |
| تری سانس رکے دل ہول اٹھے |
| تجھے گزرا زمانہ یاد آئے |
| الفت کا فسانہ یاد آئے |
| تجھے جرم ترا جب یاد آئے |
| سر شرم سے تیرا جھک جائے |
| تو اپنے گناہ پہ پچھتائے |
| ناشاد رہے بے چین رہے |
| اک طوقِ ندامت لے کے پھرے |
| ہر در پہ رکے تو ڈھونڈے مجھے |
| تاعمر نہ مجھ کو ڈھونڈ سکے |
| پھر روتے ہوئے فریاد کرے |
| تجھے سِدْویؔ ملے آزاد کرے |
معلومات