| خدا کی رِضا میں ہی دل شاد رکھنا |
| خودی کو زمانے سے آزاد رکھنا |
| فقیری میں بھی سر جھکانا نہیں ہے |
| کہ دل میں خودی کو ہی شہزاد رکھنا |
| بگڑ جائے دنیا تَو پرواہ نہ کرنا |
| لہو میں وفا کو ہی فولاد رکھنا |
| زمانہ رُلائے تو رونا نہیں ہے |
| مگر دل کا آنگن تو آباد رکھنا |
| کہانی سبھی کی الگ ہیں یہاں پر |
| تو اپنی الگ سب سے روداد رکھنا |
| یہی ہے عبادت یہی بندگی ہے |
| زباں پر سدا حق کی بنیاد رکھنا |
| سُخَنْ جب زُباں سے نکل جائے اک بار |
| تو اُس اِک سُخَنْ کی ہی میعاد رکھنا |
| وفا جھوٹ سے جیت پاتی نہیں ہے |
| ہَرِ اکْ بات میں سچی اَسناد رکھنا |
| زمانے سے شِکوہ نہ کرنا منور |
| خدا سے ہی ہر ایْکْ فریاد رکھنا |
معلومات