.jpg)
| 1 |
| ہر صُورت وچ سُبحان ڈِٹھا |
| سُبحان اللہ، سُبحان اللہ |
| ہر رُوحی رُوح رَحمان ڈِٹھا |
| سُبحان اللہ، سُبحان اللہ |
| 2 |
| آپے حُسن تے آپے عشق پیا |
| آپے آہُو آپے مُشک پیا |
| آپے مجنوں آپ جانان پیا |
| سُبحان اللہ، سُبحان اللہ |
| 3 |
| بے رنگی وچ تَنزیہ دَسے |
| سَت رنگی وچ تَشبیہ دِسے |
| ہر رُوپ بَہروپ پہچان لیا |
| سُبحان اللہ، سُبحان اللہ |
| 4 |
| اَوّل عین ہے آخر دا |
| تے ظاہر عین ہے باطن دا |
| ایہہ باطن عین عیان خُدا |
| سُبحان اللہ، سُبحان اللہ |
| 5 |
| اوہدی کرسی کُل جہان اُتے |
| اوہدے جلوے ہر اِمکان اُتے |
| اوہ سائیں تے سُلطان مِرا |
| سُبحان اللہ، سُبحان اللہ |
| 6 |
| اوہدا نُور جیویں مِشکات عجب |
| ہویا نُور ظہور ملک عرب |
| ماہیؐ نُور تے رنگ رضوان اوہدا |
| سُبحان اللہ، سُبحان اللہ |
| 7 |
| جَدوں بے صورت اظہار کیتا |
| بن شکل محمدؐ پیار کیتا |
| تعریف دے وچ قرآن کیتا |
| سُبحان اللہ، سُبحان اللہ |
| 8 |
| جد عربی ڈھولؐ ذیشان ڈِٹھا |
| خُود سُبحانی سُبحان ڈِٹھا |
| بیٹھا میم دے وچ یزدان ڈِٹھا |
| سُبحان اللہ، سُبحان اللہ |
| 9 |
| کھڑا سدرہ تے جبریلؑ بیا |
| ویکھے حیرت نال سبیل بیا |
| آکھے گھر والا مہمان تھِیا |
| سُبحان اللہ، سُبحان اللہ |
| 10 |
| مشہود ہے ویکھو " وَجْہُ اللہ " |
| شاہد جس دا عَبْدُ اللہ |
| مُکھ ویکھ کے ہر مَستان کِہا |
| سُبحان اللہ، سُبحان اللہ |
| 11 |
| جنہاں اپنی ذات دھیان کیتا |
| " اِنِّیْ " اثبات گیان کیتا |
| وچ وحدت بَحر اَشنان کیتا |
| سُبحان اللہ، سُبحان اللہ |
| 12 |
| جس جان نے خود نُوں جان لیا |
| پا صورت دا عرفان لیا |
| " مَا اَعْظَمْ شَانِی " جان کِہا |
| سُبحان اللہ، سُبحان اللہ |
| 13 |
| تیرے اندر ہِن آیات بجا |
| نہیں بندیا تیری ذات فنا |
| " فِیْ اَنْفُسِھِمْ " اعلان بقا |
| سُبحان اللہ، سُبحان اللہ |
| 14 |
| ہے عشق دا زور تے شور الگ |
| کرے جندڑی دا ہر بھور الگ |
| چاڑھے سولی ایہہ خاصانِ صفا |
| سُبحان اللہ، سُبحان اللہ |
| 15 |
| اوہدے عشقے وچ غلطان تھئی |
| ایمان کُجا، کُفران تھئی |
| میں کوجھی دا ایمان پیا |
| سُبحان اللہ، سُبحان اللہ |
| 16 |
| کاٹ تیغ ہجر دی کاری اے |
| آس وَصل وِصال دی جاری اے |
| دِل دِید کنُوں قُربان تھِیا |
| سُبحان اللہ، سُبحان اللہ |
| 17 |
| ہر ساہ گناہ تے حیات گناہ |
| مایوس کیتا ہے کتابِ سیاہ |
| " لَا تَقْنَطُوْا " فرمان سُنا |
| سُبحان اللہ، سُبحان اللہ |
| 18 |
| تھِیوے سَیر " اِلٰی " تے سَیر " مَعَ " |
| سنگ خواجہؒ فِی آیات اِلٰہ |
| ہر منزل تے اوسان خطا |
| سُبحان اللہ، سُبحان اللہ |
| 19 |
| میرے خواجہ دی پہچان رضا |
| اوہدی ہستی ہے بُستانِ وفا |
| ایہہ غُلام کرے دل جان فِدا |
| سُبحان اللہ، سُبحان اللہ |
معلومات