| نَظمِیہ غَزَل (حِصَّہ دوّم) |
| —— |
| گَرْدَنوں کے طَوق یَخ بَستَہ ہُوئے |
| پاؤں کی زَنْجِیر جَم کے رَہ گئی |
| اَب تو سُورَج بھی نِکَلْتا ہی نَہِیں |
| چاند کی تَنْوِیر جَم کے رَہ گئی |
| لوٹ آئے ہیں شِکاری بِن شِکار |
| خواہشِ نَخْچِیر جَم کے رَہ گئی |
| جو پَہاڑوں پَر ہیں اُن کی تو سُنا |
| سَب کی سَب جاگِیر جَم کے رَہ گئی |
| دھُنْد نے دھُنْدلا دیے مَنظر سَبھی |
| مَنزِلِ رَہ گِیر جَم کے رَہ گئی |
| جَم گئیں ہونْٹوں پَہ میرے پَپْڑیاں |
| حَلْق میں تَقْرِیر جَم کے رَہ گئی |
| عِشْق کے جَذْبات ٹَھنْڈے پَڑ گئے |
| حُسْن کی تاثِیْر جَم کے رَہ گئی |
| (مرزا رضی اُلرّحمان) |
معلومات