| رحمتِ عالم و جاں طرب ﷺ آ گئے |
| شاہِ لو لاک ﷺ عالی نسب آ گئے |
| ان سے پہلے زمانہ جہالت میں تھا |
| مصطفیٰ ﷺ آئے جینے کے ڈھب آ گئے |
| ربِ کعبہ نے بھیجا نبی جس گھڑی |
| مشرکینِ حرم جاں بہ لب آگئے |
| عاشقانِ نبی پا برہنہ چلے |
| چلتے چلتے مقامِ ادب آ گئے |
| ذوالفقارِ علی سر قلم کر گئی |
| جب مقابل کئی بو لہب آ گئے |
| ہر مرض کی دوا سروری آپ کی |
| لا محالہ مداوا طلب آ گئے |
| سِدْویؔ کتنوں کو حق آشنائی ملی |
| جب مدینے میں شاہِ عرب ﷺ آ گئے |
معلومات