.jpg)
| میری نِسبت مَدینے کے سُلطانؐ سے |
| اُنؐ کے صَدقے مُحبت ہے رَحمان سے |
| مَحوِ حَیرت ہیں قُدسی کہ معراج شَب |
| وہؐ رَوانہ ہوئے ہیں شَبستان سے |
| اُنؐ کے اَصحاب سارے سِتارے ہوئے |
| مُعجزہ یہ ہُوا نُورِ فَیضان سے |
| دینِ اَجداد دینِ بَراہیمؑ تھا |
| نَسب اُنؐ کا مُسَلَّم ہے عَدنان سے |
| جِن کو چاہت ہے دیکھیں وہ رُوئے نَبیؐ |
| رُوئے تاباں کو دیکھیں وہ قُرآن سے |
| جِس کو جو کُچھ مِلا، اُن کے دَر سے مِلا |
| عِشق مُجھ کو مِلا، دَستِ اِحسان سے |
| اَپنے دَر کی فَقیری نوازیں مُجھے |
| "یہ ہَمارا ہے" کَہہ دیں یہ دَربان سے |
معلومات