| ملا ہے مجھ کو عشق کا صلہ کمالِ کربلا |
| دیا جلا ہے درد کا شبِ وصالِ کربلا |
| نہ پوچھ کیسے گزری مجلسِ غریباں آج کی |
| ٹپک رہا تھا آنکھ سے لہو مثالِ کربلا |
| کبھی تو ہوگا میری آنکھ کے نصیب میں گزر |
| کہ دیکھ لوں قریب سے میں بھی جمالِ کربلا |
| وہ جس کی خاکِ پاک سے ہے اُٹھ رہی صدائے حق |
| جھکا ہے ہر ولی کا سر وہاں حلالِ کربلا |
| کسی کی تو نگاہ میں تھے اونچے تخت و تاج و زر |
| مری نگاہ میں بسا فقط خیالِ کربلا |
| قلم کی آنکھ سے تو لہو لہو ہے ٹپک رہا |
| نہیں ہے حوصلہ بیاں کروں میں حالِ کربلا |
معلومات