| ۔۔۔۔۔۔۔۔۔۔❣️وَرَفَعنَا لَکَ ذِکرَک❣️۔۔۔۔۔۔۔۔۔۔۔۔ |
| خالق نے تری ذات کی کیا شان بڑھائی |
| کونین کی ہر شے کرے ہے مدح سرائی |
| انجیل کے اندر بھی ترے ذکر کو دیکھا |
| قرآن بھی کھولا تو تری نعت ہی آئی |
| آداب ترے طائرِ سدرہ نے بتائے |
| توصیف تری آیۂِ رفعت نے سکھائی |
| مالک نے ترے ذکر کو توقیر میں ڈھالا |
| خالق نے تری نعت کی بنیاد اٹھائی |
| کرتا ہے ترا نام زمانے پہ حکومت |
| کرتے ہیں ملائک تری چوکھٹ پہ گدائی |
| کرتا ہے ترا ذکر شبِ غم کو منور |
| کرتی ہے تری نعت سیہ دل کی صفائی |
| ہے لحن درودوں کا دلِ زار کی ٹھنڈک |
| ہے اسمِ معظم ترا ہر غم کی دوائی |
| آتا ہے تصور میں دیارِ گلِ طیبہ |
| قیدِ غم و آلام سے ملتی ہے رہائی |
| احمد ہو عطا یونہی ہمیں حسنِ تخیل |
| احمد رہے ہونٹوں پہ یونہی اُن کی بڑائی |
| ۔۔۔۔۔۔۔۔۔غلام احمد رضا نیپالی..۔۔۔۔۔۔۔۔۔ |
معلومات