.jpg)
| ہم یہاں آپؐ کے، ہم وہاں آپؐ کے |
| رَحمتِ عالمیںؐ، دو جَہاں آپؐ کے |
| باغِ جنّت ہے سارا مدینہ مَگر |
| ہیں فضیلت میں بَرتر مَکاں آپؐ کے |
| سجدہ کرتے ہیں حَجر و شَجر آپؐ کو |
| ہیں مَراتب جَہاں پر عَیاں آپؐ کے |
| نُورِ اوّل تُمہیؐ، نُورِ آخر تُمہیؐ |
| اس لیے ہیں یہ سارے زَماں آپؐ کے |
| آپؐ کِس رَاہ سے بے نِشاں تک گئے |
| ڈُھونڈتے ہیں مَلائک نِشاں آپؐ کے |
| کون ظاہر ہُوا پَردۂ میم میں |
| راز ایسے ہیں سارے نِہاں آپؐ کے |
| اِس غُلامِ حَزیں کے اے پیارے نبیؐ |
| بابِ رَحمت ہوں مجُھ پر کُشاں آپؐ کے |
معلومات