| ردیف لائیے تو چاہیئے وفا کرنا |
| سخن سرائی میں فن ہے اسے وفا کرنا |
| تخیلات کے سب زاویوں کو تفصیلاً |
| پرو کے لفظوں میں سمجھائیے وفا کرنا |
| یہ شاعری ہے کوئی لفظی ہیر پھیر نہیں |
| کلام سیکھتے ہیں آئیے وفا کرنا |
| لکیر پیٹنے کا کوئی فائدہ ہی نہیں |
| جفا شعار سے کیا مانگئے وفا کرنا |
| وہ دوست ہو کہ عدو شاملِ دعا ٹھہرے |
| گداز دل کو نہ سکھلائیے وفا کرنا |
| جسے سکھائی ہے آغوش میں وفا ماں نے |
| اسی سے کہتے ہیں بہروپئے وفا کرنا |
| طویل عمر بھلا چاہئیے کسے سِدْویؔ |
| ملی ہے جتنی اسے سیکھئے وفا کرنا |
معلومات