| جو نظر نظر میں نواز دے مجھے اس نظر کی تلاش ہے |
| وہ دعا جو دل میں اثر کرے مجھے اس اثر کی تلاش ہے |
| مجھے ایسی راہ وفا ملے جو قریب کر دے رسول کے |
| مری زندگی ہو بسر وہیں مجھے اس سفر کی تلاش ہے |
| مرا باطن اتنا نکھار دے مرے لب پہ ذکر حبیب ہو |
| مرا لمحہ لمحہ سنوار دے اسی ہمسفر کی تلاش ہے |
| مرے دل میں نور جو ڈال دے مجھے اچھے اچھے خیال دے |
| جو علم کی دے مجھے روشنی مجھے اس بشر کی تلاش ہے |
| غمِ مال و زر نہ رہے کوئی مرا دین و دنیا بچا رہے |
| جو یگا نہ کر دے عتیق کو مجھے اس ہنر کی تلاش ہے |
معلومات