| ۔۔۔۔۔۔۔۔۔۔❣️واہ کیا نعت ہے❣️۔۔۔۔۔۔۔۔۔۔ |
| ۔۔۔۔۔۔۔۔۔۔۔۔۔۔۔سبحان اللہ۔۔۔۔۔۔۔۔۔۔۔۔۔۔۔ |
| عید ہے محفلِ سرکار ہے سبحان اللہ |
| ہونٹ پر ذکرِ رخِ یار ہے سبحان اللہ |
| فضل ہی فضل سے معمور دیارِ جاناں |
| فیض ہی فیض کا دربار ہے سبحان اللہ |
| شہرِ محبوب،درِ پاک ،وہ سبزِ گنبد |
| کتنا پر نور ہے ضو بار ہے سبحان اللہ |
| قریۂِ جانِ مدینہ میں جدھربھی دیکھو |
| عشق ہی عشق کا گلزار ہے سبحان اللہ |
| لیکر آیا جو یہاں دُرِّ یتیمی کا لقب |
| وہ ہی کونین کا سردار ہے سبحان اللہ |
| وَرَفَعْنَا لَكَ ذِكْرَك ہے لبِ عالم پر |
| یعنی واصف ترا سنسار ہے سبحان اللہ |
| نور ہی نور سراپا تری ذاتِ انور |
| اور قرآں ترا کردار ہے سبحان اللہ |
| حسن وَالشَّمس ترا،آنکھ ہے مَا زَاغ بَصَر |
| اور یوحیٰ تری گفتار ہے سبحان اللہ |
| ایک اک لفظ تری نعت کا راحت افشاں |
| ایک اک حرف اثر دار ہے سبحان اللہ |
| نعتِ احمد ہی مرا مشغلۂِ زیست ہوا |
| اور جاری یہ لگاتار ہے سبحان اللہ |
| ۔۔۔۔۔۔۔۔۔۔غلام احمد رضا نیپالی۔۔۔۔۔۔۔۔۔۔۔ |
معلومات