| اَب ایک نَہِیں دو قَوْمیں ہیں!!! |
| — |
| اَب ایک نَہِیں دو قَوْمیں ہیں |
| اِک اَوج پَہ، اِک اُترائی میں |
| اِک تو اَوْقات سے باہَر ہے |
| دُوجی غُرْبَت کی کھائی میں |
| کر سَکتے ہو تو کُچھ تو کرو |
| اِک غُرْبَت میں پسنے والے |
| جو رُوکھی سُوکھی کو تَرسیں |
| اُس کی رَحْمَت کے بادل بھی |
| جِن پَر کُچھ کَم کَم ہی بَرسیں |
| لَڑ سَکتے ہو تو لَڑتے رَہو |
| اِک خُود سَر سی اَقلِّیَت ہے |
| جو اَپنی مَوج میں رَہتی ہے |
| اِس اَقلِّیَت کے پاؤں تَلے |
| دَولَت کی گَنگا بَہتی ہے |
| کُچھ غَیرَت ہو تو ڈُوب مَرو |
| (مرزا رضی اُلرّحمان) |
معلومات