.jpg)
| کس مُنہ سے اے خُدا تِری حمد و ثَنا کروں |
| مُنہ کو چُھپائے شَرم سے آہ و فُغاں کروں |
| " قَالُوْا بَلٰى" تو کَہہ گیا جوشِ خطاب میں |
| عاجِز اَزل سے ہوں کہ یہ وَعدہ وَفا کروں |
| اِقرار کر رہا ہوں اَبھی سے گُناہ کا |
| کوئی نہیں بَہانہ جو روزِ جَزا کروں |
| آنا ہے ایک روز تِری بارگاہ میں |
| تُحفے میں اَشک لاؤں کہ تُجھ پر فِدا کروں |
| سَر کو جُھکائے آپ کا دیدار میں کروں |
| عکسِ جمالِ نُور سے دِل میں ضِیا کروں |
| ہرگز جُدا نہیں ہے عکّاس عَکس سے |
| خُود کو بَھلا میں کیوں کر تُجھ سے جُدا کروں |
| صورت مِری نجات کی بس ایک ہے یہی |
| نعتِ رسولِؐ پاک میں پیشِ خُدا کروں |
معلومات