ترانہ

یہ مدرسہ انوار القرآں گنجینۂ علم و عرفاں ہے

ہے مخزن دین و فضل خدا گہورۂ علم قرآں ہے

انوار رسالت کی شمعیں روشن ہیں جمال قرآں سے

پیغام محبت کی کرنیں پھیلی ہیں کمال ایماں سے

طاہر ؔ کی آمد آمد سے چھائی ہے بزم میں نورانی

ہے ساتھ میں بھائی جنیدؔ احمد ہے مردِ مجاہدِ ایمانی

ممتاز ؔ بھی جلوہ نما ہیں یہاں ہیں بحر صداقت کا پیکر

ہر دل میں انہی کی چاہت ہے ہیں زہد و قناعت کے محور

اس صحن چمن کا ہر ذرہ روشن ہے حمیدؔ کی برکت سے

ہر آن ادارہ چمکا ہے خالقؔ کی جود و سخاوت سے

جاری ہے حفظ قرآں کی اے باد صبا تعلیم یہاں

قرآن مبیں کی ہوتی ہے واللہ سدا تعظیم یہاں

تعلیمی روش کا کیا کہیے اللہ کے کرم کی نظر ہے یہاں

استاذ بھی فضل اکبر سے ہر ایک ہی مثل قمر ہے یہاں

یونسؔ کی دعا ہے نیرؔ کی ہر ایک تمنا پوری ہو

تا حشر یونہی اے میرے خدا یہ گلشن نوری نوری ہو