| لطفِ احمد اتم رہ گئے |
| اپنے ہر جا بھرم رہ گئے |
| اب بھی یثرب، مدینہ ہی ہے |
| یاں پہ شاہِ امم رہ گئے |
| جب نبی پر حصار آ پڑا |
| ساتھ میں ان کے عَم رہ گئے |
| شق کِئے جب نبی چاند کو |
| سب کی آنکھوں میں دم رہ گئے |
| سر نبی کو پسند آگئے |
| سر جو تسلیمِ خم رہ گئے |
| سر پہ دستِ نبی دیکھ کر |
| خوف میں خوف و غم رہ گئے |
| جامِ کوثر نبی سے ملا |
| دنگ سب جامِ جم رہ گئے |
| فرشِ غارِ حِرَا دل بنے |
| جس پہ نقشِ قدم رہ گئے |
| دل بنا دل ہے اب اس میں جو |
| شاہِ عرب و عجم رہ گئے |
| دل میں عشقِ نبی بس گیا |
| "آئنہ بن کے ہم رہ گئے" |
| جب بھی آیا خیالِ نبی |
| ہم بہ چشمانِ نم رہ گئے |
| جب خیالوں میں آئے نبی |
| پھر سے ہم سَم کے سَم رہ گئے |
| عشقِ احمد میں جتنا بڑیں |
| ایسا لگتا ہے کم رہ گئے |
| پایا جب رب کو عشقِ نبی |
| حیراں ہوش و فَہَم رہ گئے |
| حشر میں حشر ہوگا حَسِیں |
| نعت میں گر قلم رہ گئے |
| اے ذکیؔ مست بس نعت میں |
| ہم خدا کی قسم رہ گئے |
معلومات