| دوست، دُشمن، سَب خَسارے، ایک سے |
| کیا ہَمارے، کیا تُمھارے، ایک سے |
| دُشمنوں کی اَپنی اَپنی صُورتیں |
| دوستوں نے رُوپ دھارے ایک سے |
| زِندگی بے رَنگ تھی، بے رَنگ ہے |
| ہَم نے جِیون دِن گُذارے ایک سے |
| شَب گُزیدہ آہوئے دَشتِ جُنُوں |
| پِھر رَہے ہیں مارے مارے ایک سے |
| کیا ہُوا رَنگِینیِ رَنگِ چَمن؟ |
| سارے مَنظَر، سَب نَظَارے ایک سے |
| ایک جیسا ہی پَہاڑی سِلسِلہ |
| جِھیل کے دونوں کِنارے ایک سے |
| زیبِ تَن یکساں لِباسِ مُفلِسی |
| اور ہاتھوں میں غُبارے ایک سے |
| ساری بَستی میں قبائیں ایک سِیں |
| بال بھی سَب نے سَنوارے ایک سے |
| کیسی رَوشن رات ہے نا آج تو |
| لگ رہے ہیں چاند تارے ایک سے |
| سارے بَچّوں سے مُحَبَّت ایک |
| سَب ہمیں لگتے ہیں پیارے ایک سے |
| خَیر ہے نا سَب سوالوں کے جواب؟ |
| دے رَہی ہو یُوں کَرارے ایک سے |
| (مرزا رضی اُلرّحمان) |
معلومات