| بلند اس قدر ہے مقامِ شہِ دیں |
| ہر اک معتبر ہے غلامِ شہِ دیں |
| بقائے نظامِ شریعت کی خاطر |
| ہوا کربلا میں قیامِ شہِ دیں |
| بلاغت وہ شبیر کی حر سے پوچھو |
| بہت پر اثر تھا کلامِ شہِ دیں |
| مکمل یزیدی سپہ پر تھے بھاری |
| بہتر فقط انضمامِ شہِ دیں |
| مقابل نہ باطل کے سر کو جھکانا |
| یہی مومنو ہے پیامِ شہِ دیں |
| امامت میں اوجِ مراتب کو پہنچے |
| رکوع و سجود و قیامِ شہِ دیں |
| نگوں آسماں ہے کہ جس روز سِدْویؔ |
| جلائے گئے تھے خیامِ شہِ دیں |
معلومات