| صحرائے محبت میں بہت خوار ہوئے ہم |
| پھر بھی اسی اک گل کے طلبگار ہوئے ہم |
| آزاد ہوئے دنیا کے سب رنج و الم سے |
| جب سے تری الفت میں گرفتار ہوئے ہم |
| تھی تشنہ لبی اور بیابانِ محبت |
| جامِ مئے الفت سے سرشار ہوئے ہم |
| جب چشمِ عنایات مری سمت ہوئی تھی |
| اس وقت ہی صیدِ نگہِ یار ہوئے ہم |
| چاہت کا صلہ خوب ملا راہِ وفا میں |
| نمناک ہوئے ، پیکرِ آزار ہوئے ہم |
| سامیؔ جو مرے غم کو کبھی کہتا تھا اپنا |
| آج اس کے لئے صورتِ اغیار ہوئے ہم |
معلومات