| مرے مصطفیٰ سے بہتر کبھی تھا نہ ہے نہ ہوگا |
| شہِ انبیاء کا ہمسر کبھی تھا نہ ہے نہ ہوگا |
| کوئی بیہی خواہ ایسا کوئی خیر خواہ ایسا |
| جو دعا دے کھا کے پتھر کبھی تھا نہ ہے نہ ہوگا |
| یہ ہیں اعلیٰ الفتوں میں یہ ہیں بالا چاہتوں میں |
| کوئی مصطفیٰ سے اوپر کبھی تھا نہ ہے نہ ہوگا |
| ہوں نبی جہاں وہاں پر رہیں آٹھ سو منوّر |
| کوئی ان سے بڑھ کے انور کبھی تھا نہ ہے نہ ہوگا |
| ہیں سب اس کے زیرِ سایہ نہیں جس کا کوئی سایہ |
| ہو سراپا نور پیکر کبھی تھا نہ ہے نہ ہوگا |
| وہ جو حق کی رہ چلا دے وہیں چل کے بھی دکھا دے |
| کوئی رہبر ان سے اکبر کبھی تھا نہ ہے نہ ہوگا |
| وہ مقام جائے حق ہے وہ جہاں جہاں سے گزرے |
| کوئی در بھی اس سے برتر کبھی تھا نہ ہے نہ ہوگا |
| یہ جو رب ادا ہے کرتا ہے درود پاک ان کا |
| ہو سلامِ رب بھی جس پر کبھی تھا نہ ہے نہ ہوگا |
| ہوں ذکیؔ غلام ادنیٰ میں نبیِ مصطفیٰ کا |
| کوئی مجھ سے بڑھ کے احقر کبھی تھا نہ ہے نہ ہوگا |
معلومات