نہ کوئی جس کا تھا اس کے والی ہمارے صلّے علٰی رہے ہیں

چمن، بہاریں، ستارے، جگنو انہیں کے مدحت سرا رہے ہیں

پیمبروں میں وہ پیرِ کامل ﷺ جو اولیں بھی ہیں آخری بھی

نبی وہ شمس الضحیٰ ﷺ خدا سے خدا کا پیغام لا رہے ہیں

لعاب سے عین نوری کر دیں جو چشمِ کرّار کو شفا دیں

قمر کے دو ٹکڑے کر دیں ایسے رسول ﷺ معجز نما رہے ہیں

جو حق پہ قائم سو پائے جنت جو دل سے توبہ کرے عدن ہے

وہ ﷺ مومنوں کے لئے خدا سے بشارتیں لے کے آ رہے ہیں

درود ان ﷺ پر سلام ان ﷺ پر ہماری قربان جان ان پر

سبھی سے اعلٰی سبھی سے برتر رسول ﷺ تشریف لا رہے ہیں