| ایک ظالم سے کیسے پیار کریں |
| زیست کو کیسے خارزار کریں |
| مصلحت ہے اِدھر تو پیار اُدھر |
| کونسی راہ اختیار کریں |
| زندگی بھر رہی یہی الجھن |
| تجھ سے نفرت کریں کہ پیار کریں |
| کیا یہی ہے صلہ محبت کا |
| عمر بھر تیرا انتظار کریں |
| دشمنوں کا کروں میں کیوں شکوہ |
| جبکہ اپنے ہی مجھ پہ وار کریں |
| زندگی جیسےکوئی طوفاں ہے |
| ایسے دریا کو کیسے پار کریں |
| کتنی مطلب پرست ہے دنیا |
| کیسے اپنوں پہ اعتبار کریں |
| لیڈروں نے کیا ہمیں برباد |
| آج ہم کس پہ انحصار کریں |
| کیا جنوں کا یہی تقاضہ ہے |
| اپنے دامن کو تار تار کریں |
| زر پرستی کا دور ہے سیدؔ |
| اس میں کس کس کا ہم شمار کریں |
معلومات