| مجھے اے زندگی برباد کر دے |
| تمام اپنا یا استبداد کر دے |
| بھلا یا میں برا ہوں شاد کر دے |
| جو دل میں ہے وہ یا ارشاد کر دے |
| بقا کا ہم نے یہ دیکھا کرشمہ |
| کبوتر کا جگر فولاد کر دے |
| مقدر میں ہر اک کے ہے تباہی |
| جسے تو شاد یا ناشاد کر دے |
| ہر اک کھینچا ہوا دم بیخودی میں |
| سزا کی کم مری میعاد کر دے |
| خبر کیا ہے تجھے تیرا تبسم |
| محبت کا جہاں آباد کر دے |
| پگھل جاۓ وہ مثلِ موم جو دل |
| کلیجا توڑ کر فریاد کر دے |
| رہے نام و نشاں اس کا نہ باقی |
| خدا ظالم کو یوں برباد کر دے |
| یقیں میری وفا کا گر نہیں ہے |
| تو پابندِ وفا آزاد کر دے |
| تجھے معلوم ہے تیرا تغافل |
| جسے چاہے اسے برباد کر دے |
| لگا رہتا مجھے ہر دم ہے دھڑکا |
| رہا مجھ کو نہیں صیاد کر دے |
| صنم اچھا نہیں دیکھو زمانہ |
| جدا ہم کو نہ یہ بد زاد کر دے |
| دعا کرتے خدا سے ہیں مخنث |
| ہمیں بھی صاحبِ اولاد کر دے |
معلومات