| نَظمِیہ غَزَل (حِصَّہ اَوَّل) |
| —— |
| آنکھ میں تَصویر جَم کے رَہ گئی |
| ہاتھ میں تَحْرِیر جَم کے رَہ گئی |
| رُک گئی ہے گَردِشِ خُوں ایک دَم |
| ناک میں نَکْسِیْر جَم کے رَہ گئی |
| ہِیٹروں میں بھی کوئی دَم خَم نَہِیں |
| چُولہے پَر بھی کِھیر جَم کے رَہ گئی |
| موسموں کی سَرْد مِہْری کے سَبَب |
| خواہشِ دِل گِیر جَم کے رَہ گئی |
| گَرمِیوں میں رانجھے کو لُو لگ گئی |
| سَرْدیوں میں ہِیر جَم کے رَہ گئی |
| خواب میں کیا خُوب مَوسَم تھا مَگر |
| خواب کی تَعْبِیر جَم کے رَہ گئی |
| ٹَھنْڈ سے دیوانِ غالب مُنجَمِد |
| اور شَرْحِْ مِیر جَم کے رَہ گئی |
| (مرزا رضی اُلرّحمان) |
معلومات