| مری ماں دعاؤں کی اک کہکشاں ہے |
| مری ماں تو مجھ پے بڑی مہرباں ہے |
| وہ ہنس دے تو گھر بھر میں ہر سو چراغاں |
| اسی مسکراہٹ سے روشن مکاں ہے |
| مری ماں کی چادر حیا کی امانت |
| مری ماں کا آنچل بڑا سائباں ہے |
| مری ماں کے ہاتھوں میں برکت چھپی ہے |
| انہیں ہاتھوں یہ گھر مرا گلستاں ہے |
| اسی کے قدم کے بھی نیچے ہے جنت |
| نبی ﷺ کا یہ فرمان سب پر عیاں ہے |
| وہ روٹھے تو پھر روٹھ جاتا خدا ہے |
| اسی کی خوشی میرا دونوں جہاں ہے |
| خدا میری ماں کو سلامت تو رکھنا |
| وہی میری جنت وہی آشیاں ہے |
| منور کا جینا اسی سے ہے روشن |
| نہ ہو جس کی ماں تو وہ پھر بے اماں ہے |
معلومات