جان جی

جی

کیسی ہو جی؟

زندہ ہوں ، مزے میں ہوں -

کتنے مزے میں؟

بدھو - یہ کیا بےتکا سوال ہے ؟

چلو تک والا سوال کر لیتا ہوں - یہ بتاؤ کے کیسی ہو؟

حد ہے - بتایا تو ہے ابھی -

کیا؟

اف - پاگل ہو گیے ہو کیا؟ میری جدائی میں تم تو ...

بس بس - جدائی والی کوئی بات نہ کرو - میں بقائمی ہوش و حواس پوچھ رہا ہوں کہ ...

تمہاری تو توبہ ہی بھلی - پتا نہیں کیا اوٹ پٹانگ باتیں کر رہے ہو-

تمھیں سب پتا ہے ... مانو یا نہ مانو

آہم -آہم ایسی کوئی بات نہیں

اچھا جی ؟ چلو بتا بھی دو کیسی ہو ؟

تم صاف صاف بتاؤ پوچھنا کیا چاہتے ہو کہ تمہاری یاد میں پاگل ہوں ؟ دن کو رات اور رات کو دن کہتی ہوں ، ایسی کوئی بات نہیں ، منہ دھو رکھو

یہ تو ماروں گھٹنا پھوٹے آنکھ والی بات ہوئی - میں حال احوال پوچھ رہا ہوں اور تم بےوقت کی راگنی گا رہی ہو

چلو تم کیسی ہو ، کیسی ہو کا راگ الاپ لو، مگر میری جان بخش دو

یہ ناممکن ہے

میری جان بخشنا ؟

نہیں، راگ الاپنا

افوہ

ڈاکٹر کے پاس گیئی تھی؟

کیا مطلب؟ مجھے کیا ہوا ہے جو ڈاکٹر کے پاس جاؤں ؟

کان صاف کروانے جاؤ، اتنی دیر سے پوچھ رہا ہوں کے کیسی ہو اور تم ...

بس بس، بہت ہو گیا مذاق - تکلیف کیا ہے تمھیں ؟ کیوں بچوں سی باتیں کر رہے ہو

میری تکلیف تو تم ہو - آہ

زیادہ فری نہ ہو، مجنوں کہیں کے - میں تمہاری تکلیف کیسے ہو سکتی ہوں ؟

تکلیف بھی تم ہو، راحت بھی تم ہو، مشرق بھی تم اور جنوب بھی تم اور ...

اف خدا بلکل پاگل ہو گیے ہو -

قسم خدا کی پاگل تو بہت معمولی لفظ ہے میں تو پاگلان ہو چکا ہوں

یہ پاگلان کیابلا ہے ؟

بہت سارے پاگلوں کی انجمن

دیکھو - میں ...

ہاں ہاں ، تم کیا؟

بات مت کاٹو، سیدھی طرح بتاؤ آج میری یاد کیسے آ گیی تمھیں؟

ارے تم تو بگڑ ہی گیئی ہو - وہ وہ کیا ہوتا ہے جو بسم اللہ نہ پڑھو تو سب کھانا کھا جا تا ہے ؟

تو میں تمھیں شیطان لگتی ہوں؟

نہیں، نہیں، جان جی، تو آج کھانا سب وہ کھا گیا اور میں بھوکا رہ گیا تو تم بہت یاد آیی

یہ کیا بکواس ہے ؟

میرا مطلب ہے، تم ہوتی تو کوئی ڈنر شنر کرتے

کسی ہاسپٹل میں تفصیلی چک اپ کرواؤ اپنا - دماغی امراض کی سب علامتیں تم میں ہیں

اوکے تو تم کیسی ہو؟

او مرے خدا ...

سیدھا سیدھا تو تمھیں سمجھ نہیں آتا نا ، اگر کوئی اتنا زور دے کر پوچھے کے تم کیسی ہو تو اسکا کیا مطلب ہے

جہنم میں گیا مطلب ، میں جا رہی ہوں

یہ کونسی نیئی بات ہے - تم تو اکثر جاتی ہی رہتی ہو

آخری دفعہ پوچھ رہی ہوں شرافت سے بتا دو آخر چاہتے کیا ہو ؟

یہ بتا دیا تو کھیل کا مزہ نہیں آئے گا

کونسا کھیل ؟

میرا اور تمہارا کھیل ...

بہت ہوا، میں تو چلی

جان جی، ٹھہرو ، بتا تو دو تم کیسی ہو ؟ جان جی ...چڑیل