| خود جان دے کے روح کو آزاد کیجیے |
| تاکے خیالِ خاطرِ جلّاد کیجیے |
| بھولے ہوئے جو غم ہیں انہیں یاد کیجیے |
| تب جا کے ان سے شکوۂ بے داد کیجیے |
| حالانکہ اب زباں میں نہیں طاقتِ فغاں |
| پر دل یہ چاہتا ہے کہ فریاد کیجیے |
| بس ہے دلوں کے واسطے اک جنبشِ نگاہ |
| اجڑے ہوئے گھروں کو پھر آباد کیجیے |
| کچھ دردمند منتظرِ انقلاب ہیں |
| جو شاد ہو چکے انہیں ناشاد کیجیے |
| شاید کہ یاس باعثِ افشائے راز ہو |
| لطف و کرم بھی شاملِ بے داد کیجیے |
| بیگانۂ رسومِ جہاں ہے مذاقِ عشق |
| طرزِ جدیدِ ظلم ایجاد کیجیے |
بحر
|
مضارع مثمن اخرب مکفوف محذوف
مفعول فاعلات مفاعیل فاعِلن |
اشعار کی تقطیع
تقطیع دکھائیں
معلومات