| نہ ملاقات نہ اب شوقِ ملاقات رہا |
| نہ محبت نہ وہ اب شعلہِ جذبات رہا |
| چلو میں ترک کروں خود کو میں آزاد کروں |
| مرے آنگن میں ترا دکھ بھی جو دن رات رہا |
| مجھ سے ملنے کو تڑپ جو تُو دکھاتا تھا مجھے |
| نہ وہ شدت نہ خیالوں میں مرے ساتھ رہا |
| میں بھی مغلوب ہوا ہونگا اناؤں کے سبب |
| رابطہ توڑنے میں تیرا بھی کچھ ہاتھ رہا |
| اب تو اچھی نہ لگے کوئی بھی موسم کی ادا |
| نہ وہ بارش نہ ہی وہ موسمِ برسات رہا |
| سوچتا ہوں کہ کہاں مجھ سے رہی کوئی کمی |
| کیوں کسی اور پہ یہ دستِ عنایات رہا |
| تیری تصویر مرے دل میں چھپی ہے جاناں |
| عشق تیرا ہی مرا عکسِ خیالات رہا |
| اے ہمایوں تُو بھی اب رختِ سفر باندھ کہ تُو |
| جو رہا شہر میں تُو باعثِ حالات رہا |
| ہمایوں |
معلومات