| سبھی گمراہ نگاہوں کی نگہ کھولنی ہے |
| مجھے پیچیدہ مسائل کی گرہ کھولنی ہے |
| مرے ویرانے میں کافی نہیں الجھن کے چراغ |
| تری منزل کی طرف جانے کی رہ کھولنی ہے |
| اس کی آنکھیں جسے عرصے سے چھپاتی آئی |
| اب یہی بات تجھے ایک جگہ کھولنی ہے |
| بات کرنی ہے مجھے رات کے سناٹے میں |
| پھر شبِ تیرہ میں یوں زلفِ سیہ کھولنی ہے |
| سب سے پہلے وہ مجھے زیر تو کر کے دکھلائے |
| مرے سر سے جسے دستار و کلہ کھولنی ہے |
| چاہے اس خم سے ہو دنیا کو پریشانی مگر |
| زلفِ پیچاں مجھے بے شک و شبہ کھولنی ہے |
معلومات