| بہت مصروف رکھتی ہے |
| مجھے تنہائیاں میری |
| یہ تو خلوت میں بھی مجھ کو |
| کبھی تنہا نہیں کرتی |
| میں گہری سوچ میں بیٹھوں |
| تو یہ آکر سناتی ہے |
| وہ میری الجھنیں ساری |
| کبھی یہ ساتھ میں اپنے |
| دکھوں کے سبز جنگل میں |
| یادوں کے سمندر میں |
| کبھی ویران صحرا میں |
| مجھے لے کر یہ جاتی ہے |
| بہت قصے سناتی ہے |
| کبھی مجھ کو ہنساتی ہے |
| کبھی مجھ کو رلاتی ہے |
| بہت مصروف رکھتی ہے |
| میری تنہائیاں مجھ کو |
| کبھی تنہا نہیں کرتی |
| کبھی تنہا نہیں کرتی |
معلومات