| روزے سبھی قبول خداوند ہو جائیں |
| سب نیکیاں ہماری تنومند ہو جائیں |
| شر و فتن سے لڑنے بھی چوبند ہو جائیں |
| رمضان کے طفیل ظفر مند ہو جائیں |
| شدت کی بھوک و پیاس کا سہنا گوارہ ہے |
| امر الہی میں ہی رضامند ہو جائیں |
| صدقہ زکواۃ اور تراویح ہو ادا |
| خوشنودی پانے کے لئے پابند ہو جائیں |
| قرآن پر سروں کو دھنیں گے خوشی کے ساتھ |
| دن رات کے وظیفہ اثربند ہو جائیں |
| محفل میں حمد و نعت کے چھائیں کلام ہوں |
| گفتار نرم و شیریں، ادا بند ہو جائیں |
| دنیا سے کوچ کرنا ہے ناصؔر تو ایک دن |
| عقبی سنوارنے میں برومند ہو جائیں |
معلومات